Epistaxis

This is my first ever post in Chavacano.


Ta escribi yo coneste para ase lang sale el dolor ta sinti yo na dimiyo pecho. Hinde yo ta entende porque hinde yo ta pwede ase sale el lagrimas. Por kausa ba kay hinde le para llorar? Hinde ba yo nesesita keda apektaw na mga cosa ta pasa? Pero porque bien pesao yo ta sinti ahora? Porque taki lang cyempre el dolor na mio corazon? Como no pwede yo resulya, dol kada reswelyo di mio makasinti dwele. Porque?






Pwede yo abla, ya hace ya yo mio parte. Cuanto beses ya yo kunele ya atraca, cuanto beses ya yo ya traga dimio propio (?) Siguro mga dos beses pa lang ele yan reply na mio mga text, si akel lang si tiene yo cosa ya dale material. Dia de Maga Corazon ahora. Tiene conele ya dale rosas. Sabe yo si kien. Hinde man yo tan celos. Ta cinti lang yo dwele kay como nukere ya gat le alegra el di amon problema. Nosabe ya gat yo cosa hay hace.

Nesisita ya ba yo acepta na cabao ya? Na perde ya yo? Na nukere ya le keda amiga dimio? Bien dwele na corazon. El dolor como ta pisa pisa y ta pacha pacha dimio kwerpo. Siguro mas accepta pa yo si el dolor pisikal, otro klase ansina kay ta apekta ya pati mio trabaho. Pakilaya ya lang man si sale ya dimio mga uban aki? Manada ya kanila ya sale, el dos amiga dimio ay sale ya tamen. Nohay ya quien keda.

Hinde ya yo ta pwede pensa embuenamente. Ta pidi ya lang yo ayuda na Senyor para ayuda kumigo. Dificil kay lejos pa yo na mio pamilya. Nuay kun kien pwede saka pwersa. Ta dwele dimio corazon. Senyor, pabor ayuda comigo....